Inirerekomenda ng Samahan para sa Panggagamot ng Ina at Fetus (Society for Maternal-Fetal Medicine, SMFM), kasama ang Mga Sentro para sa Pagkontrol at Pag-iwas sa Sakit (Centers for Disease Control and Prevention, CDC) at iba pang eksperto sa pagbubuntis, na ang mga taong buntis, nagpapasuso, sinusubukang mabuntis ngayon, o maaaring mabuntis sa hinaharap, ay mabakunahan laban sa COVID-19.

Ang pagbabakuna ay ang pinakamahusay na paraan upang mabawasan ang mga panganib ng pagkakaroon ng impeksyon sa COVID-19 at komplikasyon na nauugnay sa COVID para sa iyo at sa iyong sanggol.

Maaaring Magkasakit nang Malala ang Mga Buntis Kung Magkaroon Sila ng COVID.

Humigit-kumulang 1 hanggang 3 sa bawat 1,000 buntis na may COVID-19 ang magkakaroon ng malubhang sakit (1, 2). Kung ikukumpara sa mga hindi buntis, ang mga buntis na nahawaan ng COVID-19 virus:

·        Ay 3 beses na mas malamang na mangangailangan ng pangangalaga sa ICU

·        Ay 2 hanggang 3 beses na mas malamang na mangangailangan ng maagang suporta sa buhay at tubo sa paghinga

·        Ay may maliit na pagtaas ng panganib na mamatay dahil sa COVID-19

Maaari din silang nasa mas mataas na panganib ng panganganak ng patay na sanggol at preterm na kapanganakan (3-5).

Ipinapakita ng data na ang mas matatandang buntis ; ang mga dati nang may kondisyon sa kalusugan, tulad ng labis na katabaan, diabetes, at mga sakit sa puso; at ang mga taong Itim o Latinx ay may mas mataas na panganib ng pagkakaroon ng malubhang sakit at pagkamatay mula sa COVID-19 (3-5).

Pagpapabakuna

Maaari kang mabakunahan anumang oras sa panahon ng pagbubuntis. Hindi na kailangang maghintay hanggang sa bandang dulo ng iyong pagbubuntis upang mabakunahan.

Tatlong bakuna ang mayroon para maiwasan ang COVID-19:

• Ang na bakuna ng Pfizer na may dalawang dosis para sa mga taong 12 taong gulang pataas at isang bakunang may mas mababang dosis para sa mga taong 5 hanggang 11 taong gulang (ibinibigay din sa dalawang dosis). Ang pangalawang dosis ay ibinibigay nang 21 araw pagkatapos ng unang dosis (6).

• Ang bakuna ng Moderna na may dalawang dosis para sa mga taong 18 taong gulang pataas. Ang pangalawang dosis ay ibinibigay nang 28 araw pagkatapos ng unang dosis (6).

• Ang bakuna ng Johnson & Johnson na may isang dosis ay para sa mga taong 18 taong gulang pataas (7).

Inirerekomenda ng CDC ang kagustuhan para sa mga tao na kumuha ng bakunang mRNA (Pfizer o Moderna) kaysa sa bakuna ng Johnson & Johnson. Ang mga dahilan para sa rekomendasyong ito ay:

• Ang napakahusay na bisa ng mga bakunang mRNA laban sa mga kamakailang variant ng COVID-19

• Ang kaugnayan ng bakuna ng Johnson & Johnson na may napakabihira, ngunit malubha, na side effect (mga pamumuo ng dugo)

• Ang kasalukuyang malaking supply ng mga bakunang mRNA sa Estados Unidos

Ang sinumang ayaw o hindi makakakuha ng bakunang mRNA ay maaari pa ring makakuha ng bakuna ng Johnson & Johnson (8).

Bakit Dapat Magpabakuna?

Kung ikaw ay buntis o nagpaplanong mabuntis at nag-iisip tungkol sa pagpapabakuna, isaalang-alang ang pakikipag-usap sa iyong propesyonal sa pangangalagang pangkalusugan tungkol sa bakuna. Upang makatulong sa iyong desisyon, dapat mong isaalang-alang ang mga sumusunod na pangunahing punto:

Gumagana ang Mga Bakuna

Makakatulong ang mga bakuna na protektahan ka mula sa matinding pagkakasakit at pagpapaospital kung ikaw ay nagkaroon ng COVID-19. Sa bakunang may dalawang dosis , dapat mong kunin ang parehong dosis at isang booster para sa pinakamataas na bisa.

Maaaring Makakatulong ang Pagpapabakuna sa Pagprotekta sa Iyong Sanggol

Ang pagkuha ng bakuna habang buntis ay maaaring makatulong sa iyong magpasa ng mga antibody laban sa COVID-19 sa iyong sanggol. Sa maraming pag-aaral ng mga nabakunahang ina, ang mga antibody ay natagpuan sa dugo ng umbilical cord ng mga sanggol at sa gatas ng ina (9-19).

Ang Mga Bakuna ay Hindi Nakakapasok sa Inunan o Nakakaapekto sa Kakayahang Magkaanak sa Hinaharap

Ang kasalukuyang mga bakuna sa COVID-19 ay hindi mga buhay na bakuna. Ang mga bakuna ay hindi pumapasok sa inunan dahil ang mga ito ay mabilis na nasisira ng kalamnan kung saan ibinigay ang mga ito. Ang mga antibody na ginagawa ng iyong katawan bilang tugon sa bakuna ay pumapasok sa inunan at pinoprotektahan ang iyong sanggol mula sa COVID-19 pagkapanganak.

Walang katibayan na ang mga bakuna ay nakakaapekto sa kakayahang magkaanak sa hinaharap.

Paano Naman ang Mga Side Effect?

Maaaring mangyari ang mga side effect sa unang 3 na araw pagkatapos mabakunahan (6). Kabilang dito ang banayad hanggang katamtamang lagnat, pananakit ng ulo, at pananakit ng kalamnan. Maaaring mas malala ang mga side effect pagkatapos ng pangalawang dosis ng mga bakuna ng Pfizer at Moderna (1, 20). Dapat iwasan ang lagnat sa panahon ng pagbubuntis, lalo na sa unang tatlong buwan. Inirerekomenda ng mga eksperto na ang mga buntis na nakakuha ng bakuna at nagkaroon ng lagnat ay uminom ng acetaminophen (Tylenol). Ang gamot na ito ay ligtas na gamitin sa panahon ng pagbubuntis at hindi ito nakakaapekto sa kung paano gumagana ang bakuna.

Ang CDC, kasama ang iba pang kasosyong pederal, ay sinusubaybayan ang mga taong nabakunahan para sa mga malubhang side effect (21). Matutulungan mo ang pagsisikap na ito sa pamamagitan ng pag-sign up para sa v-safe, isang programang sumusubaybay sa mga taong nabakunahan. Walang nangyaring hindi inaasahang pagbubuntis o problema sa sanggol. Walang ulat ng anumang mas mataas na panganib ng pagkawala ng pagbubuntis, problema sa paglaki, o depekto sa kapanganakan (21, 22).

Pagpapatala sa V-Safe

Ang programa ng tagasuri ng kalusugan pagkatapos ng pagpapabakuna na v-safe (v-safe after vaccination health checker) ay nagbibigay-daan sa CDC na kumustahin ka pagkatapos ng iyong pagbabakuna. Sa pag-sign up, maaari mong ipahiwatig na buntis ka. Kapag nagawa mo na ito, asahan ang mga sumusunod:

• Maaaring may tumawag sa iyo mula sa programa ng v-safe upang magtanong ng mga paunang tanong at makakuha ng higit pang impormasyon.

• Maaaring hilingin sa iyo na magpatala sa talaan ng bakuna sa pagbubuntis, na nangongolekta ng impormasyon tungkol sa anumang epekto ng bakuna sa panahon ng pagbubuntis. Isa itong mahusay na paraan upang matulungan ang mga siyentipiko na subaybayan ang kaligtasan at bisa ng bakuna.

Mga Sanggunian

1. FDA Briefing Document. Moderna COVID-19 Vaccine. 2020  Accessed  2020, Dec 18; Available from: https://www.fda.gov/media/144434/download

2. Ellington S, Strid P, Tong VT, Woodworth K, Galang RR, Zambrano LD, et al. Characteristics of Women of Reproductive Age with Laboratory-Confirmed SARS-CoV-2 Infection by Pregnancy Status - United States, January 22-June 7, 2020. MMWR Morbidity and mortality weekly report 2020 Jun 26;69(25):769-75.

3. Zambrano LD, Ellington S, Strid P, Galang RR, Oduyebo T, Tong VT, et al. Update: Characteristics of Symptomatic Women of Reproductive Age with Laboratory-Confirmed SARS-CoV-2 Infection by Pregnancy Status - United States, January 22-October 3, 2020. MMWR Morbidity and mortality weekly report 2020 Nov 6;69(44):1641-7.

4. Panagiotakopoulos L, Myers TR, Gee J, Lipkind HS, Kharbanda EO, Ryan DS, et al. SARS-CoV-2 Infection Among Hospitalized Pregnant Women: Reasons for Admission and Pregnancy Characteristics - Eight U.S. Health Care Centers, March 1-May 30, 2020. MMWR Morbidity and mortality weekly report 2020 Sep 23;69(38):1355-9.

5. Delahoy MJ, Whitaker M, O'Halloran A, Chai SJ, Kirley PD, Alden N, et al. Characteristics and Maternal and Birth Outcomes of Hospitalized Pregnant Women with Laboratory-Confirmed COVID-19 - COVID-NET, 13 States, March 1-August 22, 2020. MMWR Morbidity and mortality weekly report 2020 Sep 25;69(38):1347-54.1.

6. Oliver SE, Gargano JW, Marin M, Wallace M, Curran KG, Chamberland M, et al. The Advisory Committee on Immunization Practices’ Interim Recommendation for Use of Pfizer-BioNTech COVID-19 Vaccine — United States, December 2020. MMWR Morbidity and Mortality Weekly Report 2020;69.

7. FDA Briefing Document. Janssen Ad26.COV2.S Vaccine for the Prevention of COVID-19. 2021  Accessed  Mar 5, 2021; Available from: https://www.fda.gov/media/146217/download

8. Centers for Disease Control and Prevention. CDC endorses ACIP's updated COVID-19 vaccine recommendations. 2021.

9. Flannery DD, Gouma S, Dhudasia MB, Mukhopadhyay S, Pfeifer MR, Woodford EC, et al. Assessment of Maternal and Neonatal Cord Blood SARS-CoV-2 Antibodies and Placental Transfer Ratios. JAMA pediatrics 2021 2021.

10. Beharier O, Plitman Mayo R, Raz T, Nahum Sacks K, Schreiber L, Suissa-Cohen Y, et al. Efficient maternal to neonatal transfer of antibodies against SARS-CoV-2 and BNT162b2 mRNA COVID-19 vaccine. J Clin Invest 2021 Jul 1;131(13).

11. Douxfils J, Gillot C, De Gottal É, Vandervinne S, Bayart JL, Dogné JM, et al. Efficient Maternal to Neonate Transfer of Neutralizing Antibodies after SARS-CoV-2 Vaccination with BNT162b2: A Case-Report and Discussion of the Literature. Vaccines (Basel) 2021 Aug 15;9(8).

12. Zdanowski W, Waśniewski T. Evaluation of SARS-CoV-2 Spike Protein Antibody Titers in Cord Blood after COVID-19 Vaccination during Pregnancy in Polish Healthcare Workers: Preliminary Results. Vaccines (Basel) 2021 Jun 19;9(6).

13. Charepe N, Gonçalves J, Juliano AM, Lopes DG, Canhão H, Soares H, et al. COVID-19 mRNA vaccine and antibody response in lactating women: a prospective cohort study. BMC pregnancy and childbirth 2021 Sep 17;21(1):632.

14. Juncker HG, Mulleners SJ, van Gils MJ, de Groot CJM, Pajkrt D, Korosi A, et al. The Levels of SARS-CoV-2 Specific Antibodies in Human Milk Following Vaccination. J Hum Lact 2021 Aug;37(3):477-84.

15. Nir O, Schwartz A, Toussia-Cohen S, Leibovitch L, Strauss T, Asraf K, et al. Maternal-neonatal transfer of SARS-CoV-2 immunoglobulin G antibodies among parturient women treated with BNT162b2 messenger RNA vaccine during pregnancy. Am J Obstet Gynecol MFM 2021 Sep 20;4(1):100492.

16. Perl SH, Uzan-Yulzari A, Klainer H, Asiskovich L, Youngster M, Rinott E, et al. SARS-CoV-2-Specific Antibodies in Breast Milk After COVID-19 Vaccination of Breastfeeding Women. Jama 2021 May 18;325(19):2013-4.

17. Romero Ramírez DS, Lara Pérez MM, Carretero Pérez M, Suárez Hernández MI, Martín Pulido S, Pera Villacampa L, et al. SARS-CoV-2 Antibodies in Breast Milk After Vaccination. Pediatrics 2021 Aug 18.

18. Valcarce V, Stafford LS, Neu J, Cacho N, Parker L, Mueller M, et al. Detection of SARS-CoV-2-Specific IgA in the Human Milk of COVID-19 Vaccinated Lactating Health Care Workers. Breastfeed Med 2021 Aug 20.

19. Centers for Disease Control and Prevention. v-safe and Registry Monitoring people who report pregnancy. 2021  Accessed  July 1, 2021; Available from: https://www.cdc.gov/coronavirus/2019-ncov/vaccines/safety/vsafepregnancyregistry.html

20. PFIZER-BIONTECH COVID-19 VACCINE [package insert] New York: Pfizer and Mainz, German: Biontech;2020.

21. Shimabukuro TT, Kim SY, Myers TR, Moro PL, Oduyebo T, Panagiotakopoulos L, et al. Preliminary Findings of mRNA Covid-19 Vaccine Safety in Pregnant Persons. The New England journal of medicine 2021 Jun 17;384(24):2273-82.

22. Lipkind HS, Vazquez-Benitez G, DeSilva M, Vesco KK, Ackerman-Banks C, Zhu J, et al. Receipt of COVID-19 Vaccine During Pregnancy and Preterm or Small-for-Gestational-Age at Birth - Eight Integrated Health Care Organizations, United States, December 15, 2020-July 22, 2021. MMWR Morbidity and mortality weekly report 2022 Jan 7;71(1):26-30.